Love Shayari : Ha Main Use Pana Chahta Hun
 |
| Hindi Love Shayari |
Ha Main Use Pana Chahta Hun…
Uske Kesuo Ko Apne Hatho Se Sul-Jhana Chahta Hun,
Uske Asuo Ko Apni Palko Me Chhupana Chahta Hun,
Bahut Kat Chuki Ye Zindgi Mayusi Me Tanha,
Uske Sath Ab Apni Mahfile Sajana Chahta Hun,
Ha Main Use Pana Chahta Hun..!
Uski Kasmo Me Apna Thikana Chahta Hun,
Uske Wado Me Apna Fasana Chahta Hun,
Chhodkar Chinta-Fiker Duniya-Dari Ki Sari,
Uski Yaado Me Khud Ko Bhul Jana Chahta Hun,
Ha Main Use Pana Chahta Hun..!
Apni Shamo Me Uski Bato Ki Sug-Bugahat Lana Chahta Hun,
Apni Rato Me Uske Kadmo Ki Ahat Lana Chahta Hun,
Kab Se Jagta Raha Ankho Me Aasu Liye,
Apni Subho Me Uski Muskurahat Lana Chahta Hun,
Ha Main Use Pana Chahta Hu..!
Apne Gito Ko Uske Kano Me Gungunana Chahta Hun,
Apni Gajlo Se Uska Jivan Mahkana Chahta Hun,
Zindagi Ki Bhag-Daudi Me Jab Wo Thak Ke Chur Ho Jaye,
Apne Atpate Shero Se Uska Ji Bahlana Chahta Hun
Ha Main Use Pana Chahta Hun.
