Ek Ladka Aur Deewana Ho Gaya
Na Poocho Ki Subhah Thi Ki Din Tha Ki Raat Thi,
Har Gali Har Mod Har Chaurahe Par Ye Baat Thi,
Are Suno Suno Afsaana Ho Gaya,
Ek Ladka Aur Deewana Ho Gaya,
 |
| Teen Girl in Love With a Boy |
Log Ek Doosre Ko Suna Rahe The,
Suna Suna Kar Tahake Laga Rahe The,
Ki Jabse Dekha Hai Usne Us Ladki Ko,
Kho Baitha Hai Apne Neend Aur Chain,
Rehta Hai Har Pal Vo Bechain,
Na Lagti Hai Use Bhookh Na Lagti Hai Pyaas,
Har Samay Rahti Hai Bas Use Bas Usse Milne Ki Aas,
Sabne Kaha Ye Kissa To Puraana Ho Gaya,
Ek Ladka Aur Deewana Ho Gaya,
Sabne Samjaaya Use Jaa Kar Le Usse Baat,
Tabhi Katega Din Aur Tabhee Kategi Raat,
Bitaa Uske Saath Ek Hansen Shaam,
Tabhi Milega Tere Bechain Dil Ko Aaraam,
Usne Bhi Suna Diya Jaa Kar Haal E Dil,
LadKi Bhi Thi Naadan Foran Gayee Pighal,
Sabne Kaha Ye To Ishq Ka Bahana Ho Gaya,
Ek Ladka Aur Deewana Ho Gaya,
Milta Tha Ab Usse Vo Har Din,
Kehta Tha Jee Nahin Paaonga Ab Tere Bin,
Ladke Ke Paas Bas Yehi Kaam Tha,
Aankho Mein Usiki Soorat Hothon Pe Usika Naam Tha,
Dekthe Hee Dekhte Beetne Waala Saal Tha,
Ladke Kaa Pyaar Mein Bura Haal Tha,
Sabne Kaha Ye To Shama Kaa Parwanna Ho Gaya,
Ek Ladka Aur Deewana Ho Gaya,
Kab Tak Chipate Vo Apna Pyaar Jamane Se,
Ek Din Pata Chal Hee Gaya Ladki Ke Ghar Walo Ko Kisi Bahane Se,
Bas Phir Kya Jo Nahin Hona Tha Ho Gaya,
Roj Roj Kaa Chip Chip Ke Milna Band Ho Gaya,
Ladki Ke Ghar Mein Shaadi Ki Baat Hone Lagi,
Pyaar Ke Ujaale Mein Din Se Raat Hone Lagee,
Pyaar Kaa Dushman Phir Jamana Ho Gaya,
Ek Ladka Aur Deewana Ho Gaya,
Ladka Bola Chal Bhaag Kar, Kar Le Shaadi,
LadKi Boli Mujhe Nahin Chahiye Aisi Barbaadi,
Ladka Bola Pyaar Hai Phir Kyon Ye Doori Hai,
LadKi Boli Samjha Karo Jaan Meri Majboori Hai,
Marta Kya Naa Karta Maan Gaya Uski Baat,
Ab To Pehle Se Bhi Bure The Uske Haalaat,
Accha Uska Dil Kaa Lagaana Ho Gaya,
Ek Ladka Aur Deewana Ho Gaya,
Aaj Kal Rehta Hai Vo Apne Mein Hee Gum,
Vo Kya Karega Khud Use Hee Nahin Maaloom,
Milta Hai To Pareshhan Hota Hai,
Naa Mile To Bechain Rehta Hai,
Maaangta Hai Use Bhagwaan Se Har Pal,
Umeeh Rakhta Hai Bitayaga Uske Saath Aane Waala Kal,
Ise Bhi Ishq Kaa Najraana Ho Gaya,
Ek Ladka Aur Deewana Ho Gaya.
